Surxondaryo viloyati Ekologiya, atrof-muhitni muhofaza qilish va iqlim o‘zgarishi boshqarmasiga Denovdagi xonadonlardan biriga bo‘ri kelib qolganligi haqida murojaat kelib tushdi.
O‘rganish natijasida bo‘ri Denov tumani “Ibn Sino” mahallasida yashovchi fuqaroning xonadoniga kirib qolgani, fuqaro aholiga zarar yetkazmasligi uchun bo‘rini uyida saqlagani va viloyat Ekologiya boshqarmasiga murojaat qilgani aniqlangan.
Bo‘rining salomatligi mutaxassislar tomonidan ko‘zdan kechirilgan va “Yuqori To‘palang” milliy tabiat bog‘i hududiga qo‘yib yuborilgan.