Деновдаги хонадонга бўри келиб қолди
У аҳолига зарар етказмаслиги учун уйда сақлаб турилган.
Сурхондарё вилояти Экология, атроф-муҳитни муҳофаза қилиш ва иқлим ўзгариши бошқармасига Деновдаги хонадонлардан бирига бўри келиб қолганлиги ҳақида мурожаат келиб тушди.
Ўрганиш натижасида бўри Денов тумани “Ибн Сино” маҳалласида яшовчи фуқаронинг хонадонига кириб қолгани, фуқаро аҳолига зарар етказмаслиги учун бўрини уйида сақлагани ва вилоят Экология бошқармасига мурожаат қилгани аниқланган.
Бўрининг саломатлиги мутахассислар томонидан кўздан кечирилган ва “Юқори Тўпаланг” миллий табиат боғи ҳудудига қўйиб юборилган.
