Тошкентда ҳаво сифати яхшиланиши мумкин: 11 ноябрь куни кўрсаткич “яшил” даражада бўлади
Ёмғир ҳаводаги PМ заррачалари миқдорини камайтириб, ҳаво сифатининг яхшиланишига ёрдам беради.
11 ноябрь куни Тошкент шаҳрида атмосфера ҳавоси сифати миллий ҳаво сифати индекси бўйича “яшил” даражада сақланиб қолиши прогноз қилинмоқда.
Прогнозларга кўра, 11 ноябрга ўтар кечаси ҳаво сифати Халқаро ҳаво сифати индекси (АQI) бўйича “ўртача”, миллий индекс бўйича эса “яшил” даражада бўлади.
Тунда шамол тезлиги 2–4 м/с атрофида бўлиши, сезиларли ҳарорат инверсияси шаклланмаслиги кутилмоқда. Шунингдек, Тошкентда тунги соатларда 10–15 мм ёғингарчилик кузатилиши прогноз қилинган.
Мутахассислар маълумотига кўра, ёғингарчилик ҳаводаги PМ заррачалари миқдорини камайтириб, атмосфера ҳавоси сифатининг яхшиланишига ижобий таъсир кўрсатади.
11 ноябрь куни ҳам ҳаво сифати халқаро АQI бўйича “ўртача”, миллий ҳаво сифати индекси бўйича эса “яшил” даражада бўлиши кутилмоқда.
