Электрга тўлов икки баравар ҳисобланаётгани айтилмоқда
"Ҳудудий электр тармоқлари" АЖ ҳолат юзасидан муносабат билдирди.
Ижтимоий тармоқларда электр энергияси учун тўловларда ҳисобга икки баробар пул ҳисобланаётгани тўғрисида хабар тарқалмоқда.
"Ҳудудий электр тармоқлари" АЖнинг маълум қилишича, электр энергияси учун тўловларда ҳисобга икки баробар пул ҳисобланаётгани билан боғлиқ ҳолат техник носозлик экани маълум бўлди.
Кеча, 7 июн куни тўлов тизимлари билан боғлиқ техник носозлик кузатилгани сабаб, тўлов амалга оширилганда истеъмолчи балансида тўлов қолдиғи кўпроқ кўрсатилиши кузатилган. Айни пайтда биллинг тизими орқали электр энергияси учун тўловлар хатоликсиз қабул қилинмоқда ҳамда баланс қолдиқлари тўғри шакллантирилмоқда.
Ҳозирда носозлик тўлиқ бартараф этилган.
