Prezident qarorida 2024 yilgacha yer osti suv olish inshootlarini suv hisoblash vositalari bilan jihozlash kerakligini belgilangan.
Yaʼni 2024 yil 1 yanvardan yer osti suvlaridan “schyotchik”siz foydalanish taqiqlanadi.
Jismoniy shaxslarga shaxsiy va xo‘jalik ehtiyojlari uchun sutkasiga 5 metr kubgacha yer osti suvlarini olish bundan mustasno.
Respublikaning 7 ta viloyati 21 ta tumanida yer osti suvlari sathining 5 metr va undan ortiq pasayib ketayotgan holatlar kuzatilgan edi.
Bunda yerlarni sug‘orish va ishlab chiqarish maqsadlariga gidrogeologik xulosa berish, yer osti suvlariga quduqlarni burg‘ilash hamda mavjud quduqlardan yerlarni suv tejovchi texnologiyalarsiz sug‘orish taqiqlanadi.