Эртага “Ким деяй сени?” фильмининг премьераси бўлиб ўтади
Картинада ёш авлод билан катталар ўртасидаги ўзаро муносабатлар ва зиддиятлар ҳикоя қилинган.
5 февраль куни соат 14:00 да Киночилар уйида Кинематография агентлиги буюртмасига биноан “Бухорийлар” МЧЖ томонидан суратга олинган “Ким деяй сени?” бадиий фильмининг махсус намойиши бўлиб ўтади. Бу ҳақда Агентлик ахборо хизмати хабар берди.
Мазкур фильм сценарий муаллифи Қамара Камалова режиссёрлигида суратга олинган бўлиб, унда ёш авлод ва кўпни кўрган катталар ўртасидаги ўзаро муносабатлар ва зиддиятлар ҳикоя қилинади. Шунингдек, инсонни кексалик даври, бутун умри давомида орттирган тажрибаси ва ўз маънавий бойлигини ёшларга топширишдек масъулияти қамраб олинган.
