"Soliq kodeksiga o‘zgartish va qo‘shimchalar kiritish to‘g‘risida"gi qonun loyihasi eʼlon qilindi.
Ushbu qonun loyihasida quyidagi maqsad va vazifalar nazarda tutilgan:
-
fermer xo‘jaliklari, paxta-to‘qimachilik va g‘allachilik klasterlariga tegishli g‘alladan bo‘shagan yer uchastkalarini yer solig‘idan ozod qilish ko‘rinishida rag‘batlantirish;
-
elektron hisobvaraq-fakturalarga tuzatish kiritishni faqat hisobot oyida amalga oshirilishini yo‘lga qo‘yish;
-
tadbirkorlik subyektlari tomonidan soliq qarzini yuzaga keltirish bilan bog‘liq firibgarlik sxemalarini qo‘llash va shubhali faoliyat yuritishning oldini olish.
Mazkur loyiha qabul qilinishi bilan yuqoridagi talablarga javob beruvchi g‘allaga ixtisoslashtirilgan fermer xo‘jaliklari, paxta-to‘qimachilik va g‘allachilik klasterlari yer solig‘idan ozod qilinadi hamda ushbu mablag‘lar ularning ixtiyorida qoladi.
Avvalroq, meva-sabzavotchilik klasterlari davlat tomonidan qo`llab-quvvatlanishi haqida xabar berilgandi.
Maftuna Rejabboyeva tayyorladi
