Францияда полициячиларга сақич чайнаш тақиқланди

Франция ички ишлар вазири Жералд Дарманин мамлакат имижи учун 2024 йилда Парижда бўлиб ўтадиган Олимпиада ўйинлари вақтида полициячиларга хизмат вақтида сақич чайнашни тақиқлади.

 

“Иш вақтида сақич чайнаманг, мобил телефонингизга қараманг, одамларга хушмуомала ва ҳар қандай ҳолатда ҳам хотиржам бўлинг”, - дея мурожаат қилди вазир ўз ҳамкасбларига.

 

Вазир мусобақанинг очилиш маросими арафасида Ички ишлар вазирлигининг ҳар бир ходимига бу бўйича мактуб йўллашини таъкидлади.

 

Дарманиннинг фикрича, полициянинг ҳаракатлари мамлакат обрўси учун жуда муҳим ҳисобланади.

 

“Франциянинг имижи ҳар бир офицернинг ҳаракатига боғлиқ. Бу нафақат қатъийлик ва хавфсизлик, балки меҳмондўстликнинг белгиси ҳамдир. Бизни бутун дунё кузатади. Шунинг учун ходимлар меҳмонларда яхши таассурот қолдириши керак”, - дея қўшимча қилди у.

 

Эслатиб ўтамиз, ўйинлар 2024 йилнинг 26 июлидан 11 августига қадар бўлиб ўтади