Avstraliyalik olimlarning tadqiqotlariga ko‘ra global isish davom etib sayyoradagi harorat 4 darajaga ko‘tarilsa,bu dunyo iqtisodiyotiga og‘ir zarba beradi.
Bunday holatda yer yuzidagi aholining 40 foizi kambag‘allashishi mumkin. Bu avvalgi taxminlardan to‘rt baravar yuqori ko‘rsatkichdir.
Mutaxassislarning hisob-kitoblariga ko‘ra, global harorat sanoat davridan oldingi ko‘rsatkichlarga nisbatan 2 darajaga ham oshsa, aholi jon boshiga to‘g‘ri keladigan YaIM 16 foizga kamayadi. Oldingi prognozlar esa bunday pasayishni bor-yo‘g‘i 1,4 foiz atrofida deb baholagan edi.
Tadqiqotchilar global isishning oldini olish choralari ko‘rilmasa, dunyodagi iqtisodiy va ijtimoiy tengsizlik yanada chuqurlashishini ta’kidlamoqda.