Инклюзив таълим жорий этилган мактаблар сонини 1900 тага етказиш режалаштирилмоқда

 

Мамлакатимизда 2020 – 2025 йилларда инклюзив таълимни ривожлантириш концепциясига мувофиқ, “таълим барча учун” тамойили асосида 2021-2022-ўқув йилидан бошлаб республика бўйича тажриба-синов тариқасида 31 та умумтаълим мактабларида инклюзив синфлар ташкил этилиб, уларда 122 нафар алоҳида таълим эҳтиёжига муҳтож болалар таълимга жалб этилган бўлса, 2024/2025 ўқув йилида инклюзив таълим жорий этилган мактаблар сони 950 тани, уларда таълим олаётган ногиронлиги бўлган болалар сони 1 845 нафарни (шундан, 2024 йил давомида 421 та умумий ўрта таълим мактабида 651 нафар болалар) ташкил қилмоқда.

 

Инклюзив таълимни ривожлантириш концепциясига мувофиқ “таълим барча учун” тамойили асосида инклюзив таълимни босқичма-босқич жорий этишни давом эттириш мақсадида ҳар бир туман (шаҳар)да камида биттадан давлат мактабгача таълим ташкилотлари (боғчалар) да инклюзив гуруҳлар ташкил этиб, 2025 йилда 1000 нафар ногирон болани қамраб олинади.

 

Шунингдек, ногиронлиги бўлган мактаб ўқувчиларининг жамиятга мослашувчанлигини таъминлаш бўйича инклюзив таълим жорий этилган мактаблар сонини 1 900 тага (ҳозирда 950 та) етказиш ва қўшимча 1 900 нафар ногиронлиги бўлган болани ўз тенгдошлари қаторида таълим олишларига имконият яратиш режалаштирилган.