Исроил энди Сурияга ҳужум бошлади
Исроил ҳудудни назоратга олишни мақсад қилган.
Кеча тунда Исроил ҳарбий-ҳаво кучлари Сурия жанубига зарба берди. Маълум қилинишича, Исроил армияси бу ҳудудни назоратга олишни мақсад қилган.
Исроил ҳарбийлари Сурия жанубидаги ҳарбий объектларга, жумладан, қўмондонлик марказлари ва қурол-яроғ сақланадиган омборларга зарба берган.
Шу билан бир қаторда, Исроил авиацияси чегара ҳудудларга ҳам оммавий ҳужумлар уюштирди.
Ҳужумларга Сурия жанубида ҳарбий кучларнинг мавжудлиги ва бу Исроил фуқаролари учун хавф туғдираётгани билан боғлиқ экани айтилмоқда.
Исроил эҳтимолий таҳдидларни бартараф этиш бўйича операцияларни давом эттириш ниятида.
