Жаҳон бахт рейтинги эълон қилинди

Финляндия кетма-кет саккизинчи йил Жаҳон бахт ҳисоботи (World Happiness Report) бўйича дунёдаги энг бахтли мамлакат деб топилди. Биринчи ўнликка, шунингдек, Дания, Исландия, Норвегия, Швеция, Коста-Рика ва Мексика кирди.

 

Ўзбекистон 44-ўринни эгаллади. Мамлакат ижтимоий қўллаб-қувватлаш, сахийлик ва ҳаётдан қониқиш каби кўрсаткичлар бўйича юқори баҳоланган. Россия 66-ўриндан, АҚШ эса 24-ўриндан жой олди.

 

Энг бахтсиз мамлакат сифатида яна Афғонистон тан олинди.

 

Жаҳон бахт ҳисоботи ҳар йили 140 давлатни баҳолайди. Унда ялпи ички маҳсулот, ижтимоий қўллаб-қувватлаш, умр давомийлиги, коррупция ва эркинлик каби омиллар ҳисобга олинади.

 

Ҳисобот Оксфорд университети, Gallup тадқиқот компанияси ва БМТнинг ҳамкорлигида нашр этилади.