JSSTning COVID-19ga qarshi kurashish bo‘yicha maxsus vakili Devid Nabarroning so‘zlariga ko‘ra, ushbu shtamm bilan kasallanish holatlari har 2-3 kunda ikki barobar ortmoqda.
Mutaxassislar bu boradagi ko‘rsatkichlar 1 hafta ichida 8 barobar oshishi mumkin. 2 haftadan so‘ng vaziyat 40 barobar xavfliroq tus olishi ehtimoli katta.
Hozirda Buyuk Britaniya sog‘liqni saqlash tizimi og‘ir ahvolda qolayotgani achinarli hol.
Agar vaziyat shu tarzda davom etsa, jahonning boshqa mamlakatlari ham pandemiyaning yangi to‘lqinidan katta zarar ko‘rishi mumkin.
Hozirda, Buyuk Britaniyada15 dekabr holatiga ko‘ra, bu yerda koronavirus bilan kunlik kasallanish holatlari qariyb 78 mingtaga yetgan.
Yaqinda Buyuk Britaniya Sog‘liqni saqlash vaziri Sajid Javid mamlakatda qayd etilgan bemorlar soni 4,7 ming nafarni tashkil etayotganini maʼlum qilgan edi. Oradan 3 kun o‘tib bu ko‘rsatkich 10 mingtaga yetdi.
Mutaxassislar vaksinatsiya samarasiga katta umid bog‘layapti. Xususan, qo‘shimcha dozada emlanganlar “Omicron”dan ishonchli himoyalanishi yoki ularda kasallik yengil o‘tishi mumkin.
Eslatib o‘tamiz, avvalroq Yaponiyada COVID-19 zarralari bilan aloqa qilganda nur sochuvchi niqob yaratilgani hamda Yaponiya “Omicron” shtammi tufayli xorijliklar uchun yopilgani haqida xabar berilgandi. Shuningdek, O‘zbekiston ham koronavirusning xavfli shtammi “Omicron” ga qarshi vaksina bilan taʼminlangandi
Cho‘lponoy Ahmedova