Vankuverdan Londonga yo‘l olgan Air Canada aviakompaniyasining Boeing 777-300 samolyotini yashin urdi.
SityNews xabariga ko‘ra, samolyotda o‘rnatilgan maxsus chaqmoqqa qarshi tizim tufayli samolyotdagilar halokatdan omon qolgan. Shundan so‘ng samolyot parvozini davom ettirdi va Xitrou aeroportiga qo‘ndi.
“Samolyot Vankuver xalqaro aeroportidan havoga ko‘tarilganidan ko‘p o‘tmay yashin urdi”, — deb yozadi nashr.
Samolyotni yashin urgani aks etgan video internetda tarqaldi.
AQSH Milliy meteorologiya xizmati maʼlumotlariga ko‘ra, o‘rtacha yo‘lovchi samolyoti yiliga 1-2 marta yashin uradi.