Oliy taʼlim, fan va innovatsiyalar vazirining buyrug‘i bilan 2024/2025-o‘quv yili uchun kasb-hunar maktablariga kunduzgi va dual taʼlim shakllari bo‘yicha jami 123 570 ta qabul parametri tasdiqlandi.
Shundan:
- Kunduzgi taʼlim shakli – 109 246 ta;
- Dual taʼlim shakli – 14 324 ta.
Hujjatlar 1-iyuldan 20-iyulga qadar (shu kuni ham) vazirlikning my.edu.uz elektron platformasi orqali qabul qilinadi.
Maʼlumot o‘rnida, kasb-hunar maktablarida o‘qish to‘liq davlat granti asosida amalga oshiriladi.