Кувайтда ўзбекистонлик ишчиларга эҳтиёж ортмоқда

 

Ўзбекистон делегацияси Кувайтга ташриф буюриб, ушбу мамлакатда ўзбекистонлик ишчиларни иш билан таъминлаш масаласида музокаралар олиб борди. Сафар Ўзбекистон Республикасининг Кувайтдаги элчихонаси кўмагида ташкил этилди. Унда Ўзбекистон Вазирлар Маҳкамаси ҳузуридаги Миграция агентлиги ва Ташқи ишлар вазирлиги Консуллик-ҳуқуқий департаменти вакиллари иштирок этди.

 

Ташриф давомида делегация Кувайтнинг нуфузли компаниялари — Куваит Агрисултуре Сомпанй, Гулф Саре Траде, АлЖабер Гроуп Ҳолдинг, НБТС Гроуп, Ме Сареэр, Брунел Энергй Куваит, Диверситй Теч ҳамда Соуртярд бй Марриотт меҳмонхонаси раҳбарияти билан учрашди. Музокараларда Ўзбекистондан малакали ишчи кучини жалб қилиш, касбий ва тил ўқитиш марказларини ташкил этиш, танловлар ўтказиш ҳамда қўшма лойиҳаларни амалга ошириш масалалари муҳокама қилинди.

 

Ўзбекистон томони келажакда Кувайт компаниялари томонидан бериладиган талабномалар асосида ушбу мамлакатда ишлаш истагида бўлган номзодларни тақдим этишга тайёрлигини билдирди. Музокаралар натижасида томонлар ҳамкорликни ривожлантириш мақсадида ўзаро англашув меморандумларини ишлаб чиқиш ва имзолашга келишиб олдилар.