Toshkent viloyatining Ohangaron tumanida uchta avtomashina ishtirokida yo‘l-transport hodisasi sodir bo‘ldi.
Holat bugun, 15 iyul kuni 10:00 larda Ohangaron tumani hududidan o‘tgan xalqaro ahamiyatga ega yo‘lda yuz bergan. Unda 2002 yilda tug‘ilgan haydovchi boshqaruvidagi Damas, 1996 yilda tug‘ilgan M.Sh boshqaruvidagi Gentra hamda 1969 yilda tug‘ilgan Ya.S boshqaruvidagi “ISUZU” rusumli yuk mashinasi o‘zaro to‘qnashgan.
Ushbu yo‘l-transport hodisasi natijasida Damas haydovchisi M.A turli hil tan jarohatlari olib, Ohangaron shahar markaziy shifoxonasiga yotqizilgan.
Hozirda holat yuzasidan Ohangaron tumani IIB tomonidan surishtiruv ishlari olib borilmoqda.