Оливейра ярим ўрта вазн тоифасига ўтишга тайёр
У бунинг учун UFС раҳбарияти билан гаплашиши кераклигини айтди.
Енгил вазн тоифасида собиқ UFС чемпиони Чарлз Оливейра ярим ўрта вазн тоифасига ўтиши мумкинлигини айтди.
“Ўрта вазнга ўтмоқчимисиз? Нимага ўтмаслигим керак? Нега менга пул келтирадиган, тарих ва меросимни мустаҳкамлайдиган ишни қилмаслигим керак. Бу ҳақда UFС билан гаплашишимиз лозим", - деди Оливейра.
Эслатиб ўтамиз, 14 апрель куни UFС 300 турнири доирасида бўлиб ўтган сўнгги жангида Чарлз Оливейра Арман Тсарукян билан тўқнаш келган эди, бироқ баҳсда мағлуб бўлганди. Бундан бироз аввал Оливейра ирландиялик жангчи Конор Макгрегор билан жанг қилиш истагини билдирган эди.
