Оққўрғонда эри калтаклаган аёл вафот этди
Ҳолат юзасидан ИИББ расмий муносабат билдирди.
Аввалроқ Тошкент вилояти Оққўрғон туманида турмуш ўртоғини калтаклаган 37 ёшли эркак ИИО томонидан процессуал тартибда ушлангани, ҳолат юзасидан жиноят иши қўзғатилгани ва аёл тиббий муолажа олаётгани ҳақида хабар берилганди.
Вилоят ИИББ хабарига кўра, кеча, 24 январь куни 23 ёшли аёл кўрсатилган тиббий муолажаларга қарамай шифохонада вафот этган.
Шунингдек, мазкур ҳолат жабрланувчининг ўлимига олиб келгани сабабли қўзғатилган жиноят иши Ўзбекистон Республикаси ЖКнинг 126(1)-моддаси 8-қисми «г» бандига қайта малакаланиб, тергов ҳаракатлари давом этмоқда.
