21-sentyabr kuni mamlakatdagi siyosiy partiyalar tomonidan saylovoldi tashviqotiga oid odob-axloq qoidalari imzolandi.
Saylovoldi tashviqotida partiyalar o‘rtasida insofli raqobatni taʼminlash va yolg‘on axborot tarqatmaslik muhim etib belgilandi. Bundan tashqari, bu yil birinchi marta sunʼiy intellektdan foydalanish bilan bog‘liq qoidalar ham qo‘shildi.
Maʼlumot uchun, joriy yilda Hindiston va Indoneziyada o‘tkazilgan saylovlarda sunʼiy intellektdan foydalanib, o‘lgan odamlarni “tiriltirgan” holda, ularning ovozlari bilan saylovchilarni aldash va chalg‘itish holatlari kuzatilgan edi.