Ўзбекистонликлар тиббий хизматларга 17,6 трлн сўм сарфлади: Тошкент шаҳри етакчи
Хизматлар ҳажми 2025-йилнинг мос даврига нисбатан реал ҳисобда 14,2 фоизга ошган.
2026 йилнинг январь–сентябрь ойларида мамлакатда соғлиқни сақлаш соҳасида кўрсатилган бозор хизматлари ҳажми январь–сентябрми ўтган йилнинг мос даврига нисбатан 14,2 фоизга ошди.
Миллий статистика қўмитаси маълумотларига кўра, 2026 йилнинг дастлабки тўққиз ойида Ўзбекистонда соғлиқни сақлаш соҳасида кўрсатилган бозор хизматлари ҳажми 17,6 трлн сўмни ташкил этди.
Хизматлар ҳажми 2025 йилнинг мос даврига нисбатан реал ҳисобда 14,2 фоизга ошган. Соғлиқни сақлаш хизматлари таркибида бошқа тиббий хизматлар 53,3 фоизни, шифохона муассасалари хизматлари 32,3 фоизни, шифокорлик амалиёти ва стоматология хизматлари эса 14,4 фоизни ташкил этган.
Ҳудудлар кесимида энг катта хизматлар ҳажми Тошкент шаҳрига тўғри келган — 8 трлн сўм. Кейинги ўринларда Тошкент вилояти (1,8 трлн сўм), Самарқанд вилояти (1,3 трлн сўм) ва Фарғона вилояти (1 трлн сўм) қайд этилган.
Шунингдек, Наманган вилоятида 870,9 млрд сўм, Андижон вилоятида 796,9 млрд сўм, Бухоро вилоятида 609,2 млрд сўм, Хоразм вилоятида 591,7 млрд сўм ва Қашқадарё вилоятида 553,2 млрд сўмлик хизматлар кўрсатилган.
Қорақалпоғистон Республикасида бу кўрсаткич 525,1 млрд сўмни, Сурхондарё вилоятида 442,4 млрд сўмни, Жиззах вилоятида 395,7 млрд сўмни, Сирдарё вилоятида 307,5 млрд сўмни, Навоий вилоятида эса 296,3 млрд сўмни ташкил этган.
