Oʻzbekiston yil oxirigacha milliy vaksinasini ishlab chiqaradi, deb maʼlum qildi innovatsion rivojlanish vaziri Ibrohim Abdurahmonov. Shuningdek, u intervyuda yeydigan vaksinalar yaratilishini ham aytib oʻtgan.
“Yaqinda milliy vaksinamiz paydo boʻladi. Hattoki, yeydigan vaksinalar ishlab chiqyapmiz. Bunda vaksinani yeyish orqali emlanish mumkin boʻladi”, — degan Ibrohim Abdurahmonov.
Eslatib oʻtamiz, hozirgacha Oʻzbekistonda ZF-UZ-VAC-2001 va “Sputnik V” vaksinalari ishlab chiqarilishiga ruxsat berilgan.