Педагог кадрларни аттестациядан ўтказишда энди йиғма жилд талаб қилинмайди
Вазирлар Маҳкамасининг шу йил 17 сентябрдаги “Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини атестациядан ўтказиш тартибини такомиллаштириш чора-тадбирлари тўғрисида”ги қарорига мувофиқ, улар учун атестация комиссиялари тузиш ва йиғма жилд орқали ҳужжат топшириш амалиёти бекор қилинади.
Шунингдек, педагог кадрларни атестациядан ўтказиш ҳамда уларнинг педагогик маҳорати ва психологик тайёргарлигини баҳолаш Вазирлар Маҳкамаси ҳузуридаги Таълим сифатини назорат қилиш давлат инспекцияси томонидан ўқув фани бўйича малака синовини ўтказиш орқали амалга оширилади.
Педагогларга малака тоифасини бериш бўйича ҳужжатларни қабул қилиш уларнинг давлат хизматлари марказларига бориши ёки мустақил равишда Ягона интерактив давлат хизматлари орқали ҳамда Таълим инспекциясининг расмий веб-сайтидаги махсус портал ёрдамида амалга оширилиши кўзда тутилган.
Чўлпоной Аҳмедова
