Peruning Lima shahrida joylashgan politsiya bo‘limi xodimi G‘ayrioddiy Valentin kuni reydida kapibara kiyimida giyohvand moddalar savdogarini qo‘lga oldi.
BBS xabariga ko‘ra, ushbu politsiyachi katta kemiruvchi — kapibara qiyofasida shubhali shaxsning uyiga bostirib kirib, uni yerga yiqitgan va qo‘lga olgan.
Ijtimoiy tarmoqlarda tarqalgan videoda politsiyachining kapibara kiyimida jinoyatchiga yaqinlashgani, uni yerga yiqitib, qo‘lini kishanlagani aks etgan. Politsiya maʼlumotiga ko‘ra, reyd davomida 1 700 dan ortiq giyohvand moddalar (kokain va marixuana) o‘ramlari topilgan. Ushbu operatsiyani Peruning maxsus giyohvandlikka qarshi kurashuvchi bo‘linmasi — Essuadron Verde amalga oshirgan.
Qizig‘i shundaki, bu bo‘linma ilgari ham o‘z zobitlarini O‘rgimchak odam, Kapitan Amerika, To‘r va Qora Beva kabi Marvel qahramonlari sifatida kiyintirib, giyohvandlikka qarshi reydlar o‘tkazgan. Ushbu usul, asosan, Valentin kuni, Xellouin va Rojdestvo kabi bayramlarda qo‘llaniladi.