"ПСЖ"нинг тарихий қайтиши

 

Европа чемпионлар лигасида Франция чемпиони Англия чемпионини мағлуб этиб, 24-ўринга кўтарилди. Гвардиола жамоасининг имкониятлари эса сезиларли даражада пасайди. Франция чемпиони жамоага янги келган Квартсхелияни Чемпионлар лигасига фақат плей-офф босқичида фойдаланиши мумкин. Агар, албатта, у ерга жамоа етиб борса. Кеча оқшом "ПСЖ" ҳам худди "Манчестер Сити" каби турнирдаги ҳолатдан келиб чиқиб, ғалаба қозониш учун ўйнаши керак эди.

 

Луис Энрике ва Пеп Гвардиола жамоалари Чемпионлар лигасида тўпга эгалик қилиш бўйича кучли 3-ўриндан жой олган, шу боис тўпга ким кўпроқ эгалик қилиши қизиқ эди. Биринчи бўлимда "ПСЖ" ўйинни кўпроқ назорат қилди. Шундан сўнг рақиблар дарҳол қарши прессингни бошлашди. Дастлабки 10 дақиқада гол уриш учун ягона имконият мезбонлар томонидан амалга оширилди. “Ман Сити”нинг бир қатор ҳужумларини Доннарумма қаяришга муваффақ бўлди. Бироқ, "ПСЖ" ҳам голга жуда яқин келди. Баркола ва Ҳакими Луис Энрике жамоасининг ҳужум чизиғини бошқаришди. Марокашлик футболчи ниҳоят 45-дақиқада франциялик футболчининг узатмасидан кейин гол урди. Аммо гол офсайд сабаб бекор қилинди.

 

Гвардиола танаффусда икки марта ўзгариш қилди, Савио ва Диас ўрнига Греалиш ва Люисни майдонга туширди. Греалиш иккинчи бўлим бошида гол урди. У бу ишни мазкур мавсумда иккинчи марта амалга оширди. "Ман Сити"нинг иккинчи голи ҳам узоқ куттирмади, биринчи голдан уч дақиқа ўтиб, Ҳоланд яна жамоасини ҳисобда олдинга олиб чиқди. Греалиш бу сафар голли узатмани амалга оширди.

 

Бироқ, ҳаммаси энди бошланган эди. Парижликлар таслим бўлишмади ва бир қанча ҳужумлар уюштиришни бошлашди. "ПСЖ" катта куч билан прессингни амалга оширди ва бор-йўғи тўрт дақиқа ичида ҳисобни тенглаштирди. Баркола Кваратсхелияга ҳужумнинг чап қанотидаги ўрин учун курашда ғалаба қозониш осон бўлмаслигини кўрсатди. Аввалига Бредли қанотда Нунесни тезкорлик билан ортда қолдирди ва тўпни жарима майдончаси ичига узатма берди. Бу вазиятда тўпни қабул қилиб ологан Дембеле рақиб дарвозасига тўп киритди. Луис Энрикенинг алмаштиришлари иш берди. Кейин эса Барколанинг ўзи гол муаллифига айланди. "ПСЖ"нинг ўйин охиридаги позицион ҳужуми гол билан якунланди. "Ман Сити" эса мувозанатни йўқотди. Жамоа бундан кейин ўзига келолмади. Гвардиола жамоаси парижликларнинг спектаклидан кейин нимадир қилиши мушкуллашди. Париж жамоаси имкониятлардан тўғри фойдаланиб, муҳим ғалабани қўлга киритди.

 

Пеп ҳар қандай қарорга келмасин бу ҳаракатлари "Ман Сити"ни уйғотмади. "ПСЖZ" мукаммал ҳимояланди, қарши ҳужумларда яна бир неча бор рақиблар дарвозасини ишғол қилиши мумкин эди. Статистика тўлиқ ўйин давомида Луис Энрике жамоасининг устунлигини акс эттирди. Бу эса Гвардиола жамоасида кескин ўзгаришларни амалга ошириши кераклигини кўрсатади.