Қибрайдаги хонадонда майнинг ферма аниқланди
Оқибатда давлат ва жамият манфаатига 1,2 млрд зарар етказилган.
Тошкент вилоятининг Қибрай туманида майнинг ферма ташкил этган хонадонлар аниқланди. Бу ҳақда Иқтисодий жиноятларга қарши курашиш департаменти хабар берди.
Ўтказилган тезкор тадбирда “Гулистон” МФЙ ҳудудидаги хонадонда яшовчи Қ.Т. ўз уйида 8 та тўпламдаги майнинг қурилмаларини тижорат мақсадида умумий фойдаланишдаги электр тармоғига улаб, қонунга хилоф равишда майнинг фаолияти билан шуғулланиб келган. Оқибатда давлат ва жамият манфаатларига 1,2 млрд сўм зарар етказилган.
Шунингдек, Юқори Чирчиқ туманида ўтказилган тезкор тадбирда фуқаро Ж.Ш. “Султонравот” МФЙ ҳудудидаги турар-жой биносида “ArtMiner S9” русумли майнинг қурилмасиини ўрнатиб, қонунга хилоф равишда майнинг фаолияти билан шуғулланиб келган. Оқибатда давлат ва жамият манфаатларига 50,7 млн сўм зарар етказган.
Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.
