Qirg‘iziston Milliy xavfsizlik davlat qo‘mitasi rahbari Qamchibek Tashiyev ayollarni ko‘proq farzand ko‘rishga chaqirdi.
Uning so‘zlariga ko‘ra, yirik oilalar mamlakatning kelajagi uchun asosdir. U qirg‘izistonlik ayollar besh-o‘n nafar bolani dunyoga keltirishi kerakligini taʼkidladi.
"Biz ko‘p farzandli bo‘lishimiz lozim. Ayollar, yosh kelinlar bunga alohida eʼtibor qaratishi kerak. Faqat shundagina Qirg‘iziston taraqqiy etishi mumkin. Davlat xavfsizligini mustahkamlash bevosita aholi soni bilan bog‘liq. Agar aholi ko‘paymasa, xavfsizlikni taʼminlash murakkab vazifaga aylanadi. Hozirgi kunda dunyoda ulkan o‘zgarishlar sodir bo‘lmoqda va qo‘shni davlatlar aholi soni jihatidan bizdan o‘zib ketmoqda", - dedi Tashiyev.
Taʼkidlanishicha, prezident bilan kelishuvda bolalar tug‘ilishi uchun to‘lovlarni oshirish bo‘yicha davlat dasturi ishlab chiqilmoqda.
Mamlakatning ayrim hududlarida:
• to‘rtinchi bola uchun – 100 ming som ( $1 160);
• beshinchisi uchun – 600 ming som (qariyb $7 000) ;
• yettinchisi uchun – 1 mln som ($1 1604 ) berish rejalashtirilyapti.
Oila sakkizinchi va to‘qqizinchi bolasi uchun 1,5 mln ($17 482 ), o‘ninchisi uchun esa 2 mln som ($23 310) olishi mumkin bo‘ladi.