Qish mavsumi uchun 600 ming tonnadan ortiq oziq-ovqat mahsulotlari zahira qilingan. Bu haqda Oliy Majlis Qonunchilik palatasida o‘tkazilgan “Hukumat soati”da Qishloq xo‘jaligi vaziri Aziz Voitov maʼlum qildi.
Aziz Voitovning so‘zlariga ko‘ra, qishda borish qiyin bo‘lgan 250dan ortiq aholi maskanlarida muhim ahamiyatli oziq-ovqat mahsulotlari yetarli miqdorda zaxira qilingan.
Qayd etilishicha, bu yil jami 23,5 million tonna oziq-ovqat mahsulotlari yetishtirildi.
Yetishtirilgan oziq-ovqat mahsulotlari:
Sabzavot — 11,6 million tonna;
Poliz mahsulotlari — 2,5 million tonna;
Kartoshka — 3,5 million tonna;
Meva — 3,0 million tonna;
Uzum — 1,9 million tonna;
Dukkakli mahsulotlar — 535,2 ming tonna;
Sholi — 515,5 ming tonna;
G‘alla — 7,2 million tonna.
Tog‘li hududlar va cho‘l zonalariga bugungi kungacha un 12,4 ming tonna, o‘simlik yog‘i 1 622 tonna, shakar 1 828 tonna, guruch 1 692 tonna, kartoshka 7,9 ming tonna oziq-ovqat mahsulotlari yetkazib berildi.