Қорақалпоғистонда илк бор “open air” концерт ташкил этилди
Унда Президент ёрдамчиси ҳам иштирок этди.
“Кеча қадимий Чилпиқ қалъасида янграган мусиқа ўтмиш, бугун ва келажакни боғловчи риштага айланди. Қорақалпоғистон заминида илк бор очиқ осмон остида – опен аир форматида – концерт ташкил этилди: пианист Кирилл Риҳтер ўз маҳоратини Миллий симфоник оркестр жўрлигида намойиш этди.
Симфоник мусиқа, Шарқ шеърияти ва халқона оҳанглар уйғунлашган ушбу ноодатий тадбирни Нукус билан жаҳон мусиқа саҳнаси ўртасидаги маданий кўприк, деб аташ мумкин.
“The Sands of Time” (“Вақт қумлари”) концерти – Шарқнинг улуғ шоирлари Бобур, Навоий, Умар Хайём ва Нодирабегим ижодидан илҳомланган ғоя маҳсули. Бу – абадийликка дахлдор ва айни пайтда янги нафас бахш этувчи, дунёни мафтун этишга қодир лойиҳа, десак муболаға бўлмайди!”, деб ёзди Саида Мирзиёева.
