Kecha, 10 avgust kuni Qoraqalpog‘iston Respublikasining Ellikqal’a tumanida 2 ta avtomashina ishtirokida yo‘l-transport hodisasi sodir bo‘ldi. Bu haqda IIV YHXX axborot xizmati xabar qildi.
Ma’lum qilinishicha, soat 10:30 larda Ellikqal’a tumani hududidan o‘tuvchi 4H-155 “Bostan-Sarabiy” avtomobil yo‘lining 10-kilometrida haydovchi (Avtotransport boshqarish huquqiga ega emas), 1977 yilda tug‘ilgan Z. Yu. Lacetti rusumli avtomobilni boshqarayotib, ehtiyotsizligi oqibatida qarama-qarshi yo‘nalishga chiqib ketgan va YPX xodimi, 1981 yilda tug‘ilgan N.A.ga biriktirilgan Neksiya–3 rusumli xizmat avtomobili bilan to‘qnashgan.
Hodisa oqibatida Lasetti rusumli avtomobil haydovchisi Z. Yu. olgan tan jarohatlari tufayli shifoxonada vafot etgan. Shuningdek, YPX xodimi N. A. tan jarohati olib shifoxonaga yotqizilgan.
Mazkur YTH yuzasidan Ellikqal’a tumani IIB huzuridagi TB tomonidan surishtiruv harakatlari olib borilmoqda.