Bugun soat 3:21 da Qozog‘istonning Shesskiy tumanidan o‘tgan “Almata-Yekatrinburg” avtomobil yo‘lining 850 kilometrida MAN yuk mashinasi va “Mercedes-Benz Sprinter” yo‘lovchi mikroavtobusi to‘qnashib ketgan. Bu haqda Qozog‘iston Respublikasi Favqulodda vaziyatlar vazirligidan olingan maʼlumotlarga tayanib, xabar berildi.
Oqibatda mikroavtobus ichida bo‘lgan 17 nafar yo‘lovchilardan 8 nafari voqea joyida halok bo‘lgan, 9 nafar yo‘lovchilar turli darajada tan jaroxati olib, Aksu-Ayuli qishloq kasalxonasiga yotqizilgan.
YTH oqibatida mikroavtobus salonida bo‘lgan 5 nafar O‘zbekiston fuqarolaridan 2 nafari voqea joyida vafot etgan hamda 3 nafari turli tan jarohatlari bilan shifoxonaga olib borilgan. Hozirda ushbu fuqarolarga malakali tibbiy yordam ko‘rsatilmoqda.
Holat yuzasidan Qozog‘iston Respublikasi IIV xodimlari tomonidan dastlabki tergovoldi surishtiruv ishlari olib borilmoqda.