Bu haqda TASS xabar berdi.
"Birinchi mahalliy to‘g‘ridan-to‘g‘ri tomir ichiga yuboriladigan virusga qarshi dori Areplivir (favipiravir) ro‘yxatdan o‘tish guvohnomasini oldi va yil oxirigacha barcha hududlardagi shifoxonalarga yetkaziladi", — deyiladi xabarda.
“Biochemist” OAJ bazasida preparatni to‘liq hajmda ishlab chiqarish va uni Rossiyadagi tibbiyot muassasalariga yetkazib berish 2021-yil dekabr oyida boshlanadi. Rossiya Fanlar akademiyasi akademigi Dmitriy Pushkar boshchiligidagi klinik tadqiqot yangi preparatning shifoxonalarda qo‘llanganda samaradorligi va xavfsizligini tasdiqladi.
Yakuniy qaror Rossiya Federatsiyasi Sog‘liqni saqlash vazirligi tomonidan koronavirusning oldini olish, tashxislash va davolash bo‘yicha vaqtinchalik ko‘rsatmalarni navbatdagi qayta ko‘rib chiqilishida qabul qilinadi.
Eslatib o‘tamiz, bu haftada Rossiyada pandemiyadan kunlik o‘lim darajasi birinchi marta 1200 kishidan oshdi. Rossiya dunyoda birinchi bo‘lib ushbu infeksiyaga qarshi vaksina yaratilganini eʼlon qilgan bo‘lsa-da, mamlakatda koronavirus bilan bog‘liq halokatli vaziyat mavjud.
Avvalroq Shimoliy Koreyada korinavirusga qarshi vaksina ishlab chiqaradigan yirik kompaniyaga kiberhujum uyushtirilgani haqida xabar berilgandi.
Nasiba To‘xtayeva