Toshkent xalqaro aeroportiga Moskvadan uchib kelgan samolyotda Rossiyada ota-ona qaramog‘isiz qolgan 11 nafar voyaga yetmagan o‘zbekistonlik bola yurtimizga qaytarildi. Ularga O‘zbekiston Respublikasi Ichki ishlar vazirligi va Sog‘liqni saqlash vazirligi xodimlari hamrohlik qilgan.
Ijtimoiy himoya milliy agentligi matbuot xizmatining xabar berishicha, bolalar vaqtincha Toshkent shahar IIBB qoshidagi Voyaga yetmaganlarga ijtimoiy-huquqiy yordam ko‘rsatish markaziga joylashtirilib, ularning 4 nafari “Inson” ijtimoiy xizmatlar markazlari tomonidan oldindan tayyorlangan o‘z oilalariga, 7 nafari esa vasiylik va homiylik tayinlangan holda yaqin qarindoshlariga topshiriladi.
Mart oyi o‘rtalarida agentlik 30 nafar bolaning Rosmiyadan qaytarilishi haqida maʼlum qilgandi.
Eslatib o‘tamiz, 2024 yil dekabrda 15 nafar qarovsiz bola yurtga qaytarilgandi.