Ўзбекистон ва IREX: медиа соҳасида ҳамкорлик истиқболлари муҳокама қилинди

Ўзбекистон Журналистлар уюшмаси делегацияси АҚШга сафари доирасида Вашингтон шаҳрида Тадқиқотлар ва тажриба алмашиш бўйича халқаро кенгаш (IREX) президенти Александр Дардели билан учрашди.

 

Мулоқот давомида медиа соҳасида ҳамкорлик ўрнатиш, журналистлар учун халқаро тажриба алмашиш дастурларини йўлга қўйиш масалалари юзасидан фикр алмашилди.

 

IREX (International Research & Exchanges Board) — АҚШда ташкил этилган халқаро таълим, журналистика, ахборот алмашинуви ва институционал ривожланиш йўналишларида фаолият юритувчи йирик нотижорат ташкилот ҳисобланади. У ҳозирга қадар 100 дан ортиқ мамлакатда ҳамкорлик лойиҳаларини амалга оширган.

 

Ташкилотнинг асосий мақсади таълим, ахборотдан фойдаланиш имкониятлари, етакчилик ҳамда жамият институтларини ривожлантиришдан иборат.

 

IREX журналистлар малакасини ошириш, медиа ташкилотларни ривожлантириш, шунингдек, медиа саводхонликни кучайтириш, сохта ахборот ва дезинформацияга қарши курашишга қаратилган лойиҳаларни амалга ошириб келади.