Россияда сумка ичидан ўзбекистонлик аёл жасади топилди
У танишиникига пул топиш мақсадида келганлиги айтилмоқда.
Россиянинг Санкт-Петербург шаҳри Невский туманида сумка ичидан ўзбекистонлик аёлнинг жасади топилди. Маълум қилинишича, жасад Олга Бергголтс кўчасидаги 19-уйнинг ертўласидаги сумкадан зўравонлик аломатлари билан топилган. Ўлдирилган шахс 31 ёшли Ўзбекистон фуқароси экани аниқланган. У ноябрь ойи бошида Санкт-Петербургга 24 ёшли танишиникига пул топиш мақсадида келган.
Таъкидланишича, 9 декабрь куни кечқурун Седов кўчасидаги 70-уйда жойлашган квартирада яшаётган йигит жанжал пайтида аёлни бўғиб ўлдирган. Шундан кейин унинг жасадини катта сумкага солган. Сўнгра Олга Бергголтс кўчасидаги 19-уйнинг подвалида тупроқ билан кўмиб, воқеа жойидан қочган.
Тергов маълумотларига кўра, Ўзбекистон фуқароси 10 декабрь куни Россиядан чиқиб кетган ва ватанига қайтган. Гумонланувчининг ўзи 9 декабрь куни ватандошини ўлдиргани ҳақида полицияга ариза билан келган. Шунингдек, у жасадни яширган аниқ манзилни ҳам кўрсатган. Терговчилар экспертиза ўтказмоқда.
