Россияда айиқ ҳужумлари: баҳордан буён қурбонлар сони 35 нафарга етди
Камчаткада сайёҳлик базаси қоровули айиқ ҳужуми оқибатида ҳалок бўлди.
Россияда баҳордан буён айиқлар ҳужуми оқибатида ҳалок бўлганлар сони 35 нафарга етди. Сўнгги қурбон Камчатка ўлкасидаги сайёҳлик базаси қоровули бўлди. Бу ҳақда РИА Новости хабар берди.
Маълум қилинишича, 7 ноябрь куни Salmonica Travel сайёҳлик базасида ишлаган қоровул алоқага чиқмай қўйган. Кейинчалик ҳуқуқ-тартибот идоралари унинг Соболевский округида айиқ ҳужуми оқибатида ҳалок бўлганини тасдиқлаган.
РИА Новости маълумотларига кўра, айиқлар ҳужуми оқибатида Иркутск вилоятида саккиз, Красноярск ўлкасида тўққиз, Томск вилоятида беш, Камчаткада уч, Бурятияда икки киши ҳалок бўлган.
Шунингдек, Архангельск, Вологда ва Киров вилоятлари, Хабаровск ўлкаси, Тува ва Олтой республикалари ҳамда Ямало-Ненец автоном округида бир нафардан киши айиқлар ҳужуми қурбонига айланган.
