Самарқандда автобус ва юк машинаси тўқнашди
Ушбу ҳолат бўйича жиноят иши қўзғатилган.
2025 йил 2 апрель куни соат 07:00 ларда Пахтачи тумани Сулувқўрғон МФЙ ҳудудидан ўтувчи М-37 автомобиль йўлининг 134-km.da йўл-транспорт ҳодисаси юз берди. Самарқанд–Навоий йўналишида ҳаракатланаётган ЮТОНГ БУС ЗК612ҲН автобуси йўлнинг белгиланган қисмидан орқага қайрилаётган юк машинасининг орқа қисмига бориб урилган.
Бахтсиз ҳодиса натижасида жароҳатланганлар туман тиббиёт бирлашмасига етказилди. Ҳозирда Пахтачи тумани ИИБ ТБ томонидан ушбу ҳолат бўйича жиноят иши қўзғатилиб, дастлабки тергов ҳаракатлари олиб борилмоқда.
Тегишли идоралар барча ҳайдовчиларга йўл ҳаракати қоидаларига қатъий амал қилишни ва эҳтиёткорлик билан ҳаракатланишни тавсия қилмоқда.
