Bugun ijtimoiy tarmoqda Samarqand viloyati Jomboy tumanida "MAN" rusumli yuk avtomashina yonib ketganligi haqida videolar tarqaldi.
Yo‘l harakati xavfsizligi Bosh boshqarmasining ma’lum qilishicha, joriy yilning 26-dekabr kuni soat 04:00 larda, Samarqand shahri hududidan o‘tuvchi M-39 avtomobil yo‘lining 1079-kilometrida "Toshkent-Samarqand" yo‘nalishi bo‘ylab harakatlanib kelayotgan, "MAN" rusumli yuk avtomobilining yukxonasidagi muzlatgichda qisqa tutashuv sodir bo‘lgan va uning ortidan yong‘in yuzaga kelgan. Ushbu yong‘in transport vositasining kabina qismiga ham ta’sir etgan.
Yong‘in o‘t o‘chiruvchilar tomonidan bartaraf etilgan. Tan jarohati olgan fuqarolar yo‘q.
Hozirda ushbu holat yuzasidan surishtiruv ishlari olib borilmoqda.
Avvalroq Qamchiq dovonida paxta tolasi ortib ketayotgan yuk mashinasining yonib ketgani haqida xabar berilgandi.