Самарқанддан Москвага учган самолёт техник сабабларга кўра ортга қайтди
Ҳозирда лайнер аэропортнинг захира йўлагида турибди.
Бугун, 10 июль куни эрталаб “Россия” авиакомпаниясининг “Sukhoi Superjet 100” самолёти Самарқанддан Москвага учган, бироқ техник сабабларга кўра аэропортга қайтган. Бу ҳақда “РИА Новости” нашри хабар бермоқда.
“Россия” авиакомпаниясининг FV-6552 рейси бугун жадвал бўйича соат 07:17 да Самарқанд халқаро аэропортидан Москвага учди. Техник сабабларга кўра экипаж аэропортга қайтиш тўғрисида қарор қабул қилди ва соат 9:00 да келиб қўнди”, — дея маълум қилган Самарқанд аэропорти ходими.
Аниқлик киритилишича, ҳозир “Sukhoi Superjet 100” лайнери аэропортнинг захира йўлагида турибди, унинг бортида бўлганлар жабрланмаган.
