Сурхондарёда фуқаро 7 кг наркотик билан ушланди
У гиёҳвандлик воситаларини юк машинаси орқали чегарадан олиб ўтаётганда қўлга тушган.
3 июль куни соат 22:40 атрофида “Айритом” чегара божхона постининг автопавильонига кириб келган Ўзбекистон фуқароси бошқарувидаги юк машинаси белгиланган тартибда божхона назоратидан ўтказилди.
Натижада автотранспорт воситасининг кабинасида хуфия жойга беркитилган 7 та сариқ рангли скотч билан ўралган ўрамлар борлиги маълум бўлган.
Сўнгра ушбу ўрамлар очилиб, махсус электрон тарозида ўлчаб кўрилганда 3 та ўрамда жами оғирлиги 3 кг бўлган “опий” ва 4 та ўрамда оғирлиги 4 кг 950 гр бўлган “гашиш” гиёҳвандлик воситалари борлиги аниқланди.
Ҳозирда мазкур ҳолат юзасидан терговга қадар текширув ҳаракатлари олиб борилмоқда.
