U 1987 yil Surxondaryo viloyatida tug‘ilgan “J.X.” 2016-2021 yillarda mehnat migranti sifatida Rossiya Federatsiyasining Krasnodar o‘lkasida ishlagan davrida ijtimoiy tarmoqlar orqali Suriya davlati hududidagi “Tavhid va jihod katibasi” terroristik guruhi aʼzolari bilan muloqotga kirishgan.
Ularning taʼsiriga tushib qoladi.
Natijada “J.X.” ekstremistik oqimlar va terroristik tashkilotlar g‘oyaviy rahnamolarining “jihod”ga chorlovchi materiallarini o‘zining yaqin tanishlari orasida targ‘ib qila boshlaydi.
Hozirda unga nisbatan qo‘zg‘atilgan jinoyat ishi doirasida tergov harakatlari olib borilmoqda.
Eslatib o‘tamiz, avvalroq Toshkent viloyatida ekstremistik faoliyat bilan shug‘ullanib kelgan 27 kishi qo‘lga olingani hamda shu viloyatning Zangiota tumanida ekstremistik faoliyat bilan shug‘ullanib kelayotgan yana bir guruh ushlangani haqida xabar berilgandi.
Cho‘lponoy Ahmedova