Тиббиёт ходимларига қўл кўтарган шахслар қамалди
Уларнинг ҳар бири 3 йилга озодликдан маҳрум қилинди
Маълум қилинишича, бемор йигит дўстлари билан шифохонага борган. Шундан сўнг, беморнинг дўстлари ва шифокорлар ўртасида келишмовчилик юзага келган. Аниқланишича, уч нафар судланувчи йигитлар тиббиёт ходимларини урган ва уларга турли даражада тан жароҳатлари етказган.
Жиноят ишлари бўйича Шайхонтоҳур туман суди тиббиёт ходимларига қўл кўтарган шахсларга нисбатан суд ҳукмини эълон қилди. Судланувчилар Жиноят Кодекси 277-моддаси учинчи қисмининг “а” бандида назарда тутилган жиноятни содир этганликда айбланди. Ушбу моддага биноан, ҳар бирига уч йил озодликдан маҳрум қилиш жазоси тайинланди. Тайинланган жазо манзилли колонияга ўтказилиши белгиланди.
