Тошкент шаҳар иссиқлик таъминотини Франциянинг «Veolia» компаниясига 30 йилга бошқарувга берилади
Бу ҳақда АОКАда ўтказилган брифингда Молия вазирлиги ҳузуридаги Давлат-хусусий шерикликни ривожлантириш агентлиги бошқарма бошлиғи Толиб Эргашев маълум қилди.
Дастлабки 2 йилда “Veolia”га пилот лойиҳа сифатида Бектемир ва Сергели туманларидаги 118 та кўп қаватли уй ва 43 та ижтимоий соҳа объектининг иссиқлик тизимлари модернизация қилинади.
Пилот лойиҳа доирасида “Veolia” (Хусусий шерик) компаниясининг 15 млн евро инвестицияси ҳисобига 13,5 мингта иссиқлик ва 153 мингта иссиқ сув ўлчагичларини ўрнатиш, 142 та автотранспорт, 451 та техника ва битта мобил қозонхонани харид қилиш, 1142 та иссиқлик станциясини ўрнатиш ва реконструкция қилиш, 22,3 гкал/с қувватли локал қозонларни модернизация қилиш, 53,4 км иссиқлик тармоқларини реконструкция қилиш кўзда тутилмоқда.
