Тошкент туманида спирт сотаётган шахс ушланди
У 9 тонна спиртни пуллаётганда қўлга тушган.
Бош прокуратура ҳузуридаги Департаментнинг Тошкент тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда фуқаро А.Ю. ҳеч қандай ҳужжатлари бўлмаган жами 9 тонна этил спиртини фуқаро В.Л. бошқарувидаги “МАЗ” русумли юк автомашинасида олиб келиб, фуқаро И.А.га 164,9 млн сўмга сотган вақтида ашёвий далиллар билан ушланган.
Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят иши қўзғатилиб, тергов ҳаракатлари ўтказилмоқда.
