Тошкент вилоятида 3 та машина иштирокида ЙТҲ бўлди
Оғир тан жароҳати ва вафот этганлар йўқлиги маълум қилинган.
Тошкент вилоятининг Оҳангарон туманида Гентра, Дамас ва Черй русумли автомобиллари иштирокида йўл-транспорт ҳодисаси содир бўлди.
Ҳодиса кеча, Тошкент вилояти Оҳангарон туманида соат тахминан 17:00 ларда халқаро аҳамиятга эга бўлган А373 “М39 автойўли - Гулистон - Бўка - Ангрен - Қўқон ва Андижон орқали – Ўш” автомобиль йўлининг 165-километрида содир бўлган.
1964 йилда туғилган Р.А бошқарувидаги Дамас русумли транспорт воситасида иккинчи даражали йўлдан асосий йўлга қўшилаётган вақтида "Водий-Тошкент" йўналишида ҳаракатланиб келаётган ҳайдовчилар – 1977 йилда туғилган Х.Б бошқарувидаги Гентра ва 1987 йилда туғилган Ю.Д бошқарувидаги Черй русумли транспорт воситалари билан тўқнашиб, йўл транспорт ҳодисаси содир этган.
Ҳайдовчи ва йўловчиларга биринчи тиббий ёрдам кўрсатилган. Оғир тан жароҳати ва вафот этганлар йўқ.
