Тошкентда 3 та автомашина тўқнашиб кетди
Ҳозирда ҳолат юзасидан суриштирув ўтказилмоқда.
Бугун, 3 сентябрь куни Тошкент шаҳрининг Юнусобод туманида 3 та автомашина иштирокида йўл-транспорт ҳодисаси содир бўлди. Бу ҳақда шаҳар ИИББ ЙҲХБ ахборот хизмати хабар берди.
Ҳодиса соат 14:00 ларда Юнусобод туманининг Темур Малик кўчасида юз берган. Унда бир йўналишда ҳаракатланиб келаётган 1988 йилда туғилган Н.Х. бошқарувидаги Spark, 1968 йилда туғилган Р.Ш. бошқарувидаги Mercedes-Benz 220 ҳамда 1984 йилда туғилган Л.У. бошқарувидаги Spark русумли транспорт воситалари тўқнашиб кетган.
ЙТҲ оқибатида тан жароҳати олганлар йўқ. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
