Тошкентда 3 та машина иштирокида ЙТҲ юз берди
Ҳолат юзасидан расмий маълумот берилди.
Қайд этилишича, 7 февраль куни соат 23:10 ларда Янгиҳаёт тумани Навқирон МФЙ ҳудудидаги 30-уй қаршисида Lacetti русумли автомашина ҳайдовчиси маст ҳолатда руль бошқарувини йўқотиб, тўхтаб турган 2 та Cobalt автомашинаси билан тўқнашув содир этган va тўқнашувдан сўнг темир устунга бориб урилган.
Ҳолат юзасидан воқеа жойига тезкорлик билан етиб борган ЙПХ инспекторлари, гувоҳлар va ҳайдовчи билан суҳбат жараёнида ҳайдовчи ўз сўзидан маст ҳолатда эканлиги маълум қилган.
ЙТҲ натижасида Lacetti ҳайдовчисига тез тиббий ёрдам ходимлари томонидан биринчи ёрдам кўрсатилган. Ҳолат юзасидан Тошкент шаҳар ИИББ ЙҲХБ масъул ходимлари томонидан дастлабки тергов олди суриштирув ҳаракатлари олиб борилмоқда.
