Тошкентда фуқарони Канадага ишга юбормоқчи бўлган фирибгар ушланди
Ҳозирда унга нисбатан 2 та модда билан жиноий иш очилган.
Тошкент шаҳрининг Учтепа туманида фуқарони Канада давлатига ишга юборишни ваъда қилган фирибгар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Ўтказилган тезкор тадбирда фуқаро И.А. фуқаро Б.О.нинг ишончига кириб, уни юқори лавозимда ишловчи танишлари ёрдамида Канада давлатига ишга юбориши ва виза ҳужжатларини расмийлаштириб бериши эвазига 1 100 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
