Тошкентда қарийб 1 тонна сифатсиз пишлоқ аниқланди
Ҳозирда ҳолат юзасидан тергов ўтказилмоқда.
Учтепа туманида ўтказилган текширувда тадбиркор сифатида давлат рўйхатидан ўтмаган фуқаролар истеъмолчиларнинг соғлиғи хавфсизлиги талабларига жавоб бермайдиган хорижда ишлаб чиқилган умумий баҳоси 102,3 млн сўмлик 905 кг пишлоқ маҳсулотини бир фуқарога 8 100 АҚШ долларига сотган вақтида ашёвий далиллар билан ушланган.
Мазкур ҳолат юзасидан Жиноят кодексининг 186-моддаси (хавфсизлик талабларига жавоб бермайдиган товарларни ўтказиш мақсадини кўзлаб ишлаб чиқариш, сақлаш, ташиш ёхуд ўтказиш, ишлар бажариш ёки хизматлар кўрсатиш) билан жиноят иши қўзғатилиб, тергов ҳаракатлари ўтказилмоқда.
