Тошкентда Россия давлат педагогика университети филиали очилди
Унда Ўзбекистон ва Россия ҳукумати вакиллари ва расмийлар иштирок этди.
Ўзбекистон янги таълим инфратузилмасини яратиш бўйича бир неча йил муқаддас бошланган ғоялар ҳаётга муваффақиятли татбиқ этиб келинмоқда. Шулардан бири республикадаги мактаб ва боғчаларни малакали, ўз ишининг устаси бўлган мутахассилар – педагоглар, психологлар ва дефектологлар билан таъминлаш қаратилган бўлиб, бу мақсадга эришиш учун Тошкентда А.И.Герцен номидаги Россия давлат педагогика университетининг филиали фаолияти йўлга қўйилганди.
227 йиллик тарихга эга нуфузли ОТМнинг пойтахтимиздаги филиалида бугунги кунда 1,5 минг нафар талаба таҳсил олаётган бўлиб, келгусида уларнинг миқдори 3 минг нафаргача оширилиши режалаштирилган.
1 октябрь куни РДПУ Тошкент филиалининг янги кампуси фойдаланишга топширилди. Тантанали очилиш маросимида Ўзбекистон ва Россия ҳукумати мулозимлари, расмий шахслар иштирок этишди.
Умумий майдони 15 минг квадрат метрга эга кампус Ўзбекистон таълим тизими учун янги авлод ўқитувчилари тайёрланадиган Марказий Осиёдаги етакчи таълим масканига айланиши кутилмоқда.
