O‘zbekiston poytaxtida jamoat transporti haydovchilari shahar hokimiyatining milliy kiyim kiyish borasidagi yangi tashabbusiga amal qila boshladi. “Toshshahartransxizmat” kompaniyasi har juma kuni o‘tkaziladigan “Milliy kiyim kuni” joriy etilishini eʼlon qildi.
Shahar aholisi va mehmonlari o‘rtasida milliy qadriyatlarni keng targ‘ib etishga qaratilgan ushbu tashabbusda davlat tashkilotlari xodimlari juma kunlari milliy liboslarda yurishadi. “Toshshahartransxizmat” farmoyishi ijrosiga alohida eʼtibor bilan yondashdi. Jumladan, 67 va 91-sonli yo‘nalishdagi avtobus haydovchilari milliy bosh kiyimlar – do‘ppilarda ish boshladi. Tashabbusga avtobus haydovchisi ayollar ham qo‘shilib, milliy liboslar elementlarini tanlashdi.
Eslatib o‘tamiz, avvalroq Toshkent shahar hokimligi qarori bilan poytaxtdagi davlat muassasasi, idora va tashkilotlari xodimlariga har juma kuni (maxsus forma talab qilinadigan hollar bundan mustasno) milliy kiyim kiyish tavsiya etilgan edi. Tashkilotlar maʼmuriyatiga xodimlarning mazkur buyruqni bajarishi uchun qulay shart-sharoitlar yaratish bo‘yicha topshiriqlar berildi.